Хотелот се наоѓа на Баба планина во Националниот парк Пелистер. Самата местополжба на хотелот овозможува поглед на градот Битола и околината.

Во склоп на хотел Молика функционира и скијачкиот центар Копанки кој располага со една двоседа жичара – Бегова чешма и еден ски лифт – Копанки.

Должината на жичарата и ски лифтот изнесува 1326 метри со капацитет од 1133 скијачи на час. Двете скијачките патеки се со средна тежина и нивната должина изнесува 1341 метар со површина од 53640 м2

Самата местоположба на хотелот на североисточниот дел од Националниот парк, овозможува поглед на Пелагониската котлина, градот Битола и околината, кој ви го одзема здивот. Овој дел од паркот е еден од најинтересните и највозбудливите локалитети специфичен по богатството на ретки видови растителен и животински свет.

Хотелот ,,Молика,, претставува капацитет од трета категорија (3 звезди ***) , кој во целост е прилагоден и амбиентално е вклопен со својот надворешен и внатрешен изглед во околината што го опкружува.

Хотел Молика претставува угостителско туристички капацитет сместен на 1420 метри надморска висина во срцето на Националниот парк Пелистер.

Располага со 57 соби од кои : три апартмани, три трокреветни соби и останатите соби се двокреветни соби, двокреветни соби со детски лежај и соби со француски лежај.

Покрај тоа во склоп на хотелот работи и : ресторанска сала со капацитет од 170 седишта, две семинарски сали секоја со капацитет за околу 40 учесници, банкет сала со 15 – 20 седишта, како и летна тераса со 80 седишта.

РЕДОВНИ ЦЕНИ 2020/2021год

Цената се однесува за едно лице на ден.
Во цената на услугите е пресметана дневна туристичка такса во висина од 40,00 денари и ДДВ.
За деца до 12 години не се пресметува туристичка такса.
Хотелот располага со сопствен и бесплатен паркинг.
Цените се изразени во денари и услугите во хотелот се наплатуваат во денари.
Деца до 4 години кои не користат услуги за сместување и храна, попуст 100%.
Деца од 5 – 12 години кои користат ресторански услуги и услуги за сместување попуст од 30 % на редовната цена.
Деца од 5 – 12 години кои користат само ресторански услуги попуст од 50 %.
Деца од 5 – 12 години кои користат само помошни услуги за сместување попуст од 70%.
Деца до 5 години кои не користат ресторантски услуги и услуги за сместување престојуваат бесплатно.